Палатаи ҳисоб истифодаи ғайримақсадноки маблағҳоро ошкор кард
Душанбе, 22.07.2015. (АМИТ «Ховар», Лайло Тоирӣ).- Палатаи ҳисоби ҷумҳурӣ дар давраи ҳисоботӣ истифодаи ғайримақсадноки маблағҳоро ба қадри 86 млн. 66 ҳазор сомонӣ, истифодаи ғайрисамараноки (исрофкорона)-и маблағҳоро ба қадри 8 млн. 200 ҳазор сомонӣ, захираҳо ва талафи буҷетро аз ҳисоби талафи беасоси захираҳои ташкилоти қарзӣ 28 млн. 500 ҳазор сомонӣ ва аз ҳисоби кам ба нақша гирифтани даромадҳо бо сабаби ба инобат нагирифтани манбаъҳои андозбандӣ 25 млн. 152 ҳазор сомонӣ ошкор кардааст. Дар ин бора раиси Палатаи ҳисоби ҷумҳурӣ Дилмурод Давлатзода зимни ҷаласаи ҷамъбасти натиҷаҳои фаъолияти нимсолаи Палатаи ҳисоб хабар дод.
Зимни санҷишҳои аудиторӣ 18 млн. 491 ҳазор сомонӣ маблағ ба давлат барқарор шуд, ки он 21,8 фоизи зарари ошкор кардашударо ташкил медиҳад. Аз маблағи умумӣ ба буҷети давлатӣ 14 млн. 299 ҳазор сомонӣ ва ба корхонаву муассисаҳо 4 млн. 192 ҳазор сомонӣ барқарор шуд.
Ғайр аз ин, дар натиҷаи чораҷӯии кормандони Палатаи ҳисоб маблағи бақияпулиҳои андоз ба қадри 1 млн. 83 ҳазор сомонӣ, аз ҳисоби қарзҳои дебиторӣ ва зерҳисобии барқароргардида 1 млн. 841 ҳазор сомонӣ, аз ҳисоби зиёдомади молу маводи арзишдор 5 млн. 465 ҳазор сомонӣ, аз ҳисоби дигар манбаъҳо 3 млн. 825 ҳазор сомонӣ ба буҷет ва корхонаҳои давлатӣ барқарор карда шуда, маблағгузории нақшаҳои хароҷотии ташкилоту муассисаҳои буҷетӣ ба қадри 556 ҳазор сомонӣ кам карда шуд.
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
