Пешниҳоди ҷавобҳои дурусти ММТ ба довталабон баъди хатоҳои техникӣ

Душанбе, 11.07.2015 (АМИТ «Ховар», Фарзонаи Давлат).-Маркази миллии тестии назди Президенти Ҷумҳурии Тоҷикистон ба диққати довталабон мерасонад, ки дар ҷавобҳои саволу масъалаҳои тести қисми А (имтиҳони умумӣ)-и дар сомонаи Марказ гузошташуда баъд аз нашр кардан хатоҳои техникӣ маълум гардиданд. Саволу масъалаҳои тест, ки дар ҷавобҳои онҳо хатоҳои техникӣ маълум гардиданд, дар шакли ислоҳшуда дар зер нишон дода шудаанд:
Субтести забони тоҷикӣ
Ҷавоб:
Ҳар рӯз … кор кунӣ, саломатиат зуд барқарор мегардад.
кам-кам 
Ҳавопаймо роҳи моро … наздик гардонд.
дучанд 
Қарибиҳои бегоҳ бобо … ба гап даромад.
каме 
Одамон … ба ҳар тараф паҳн шуданд.
ду-ду

Субтести математика
Масъалаи 98.
Мактаб, литсей ва гимназия 120 компютер гирифтанд. Литсей нисбат ба мактаб 12 компютер ва гимназия нисбат ба литсей 3 компютер бештар гирифт. Литсей чанд компютер гирифт?
Ҷавоб: 43

Ҳамзамон хабар медиҳем, ки ҷавобҳои субтестҳои забони тоҷикӣ ва математикаи қисми А, ки 7‑уми июл дар сомонаи Марказ гузошта шуда буданд, пас аз маълум гардидани хатоҳои техникӣ — 8‑уми июл соати 15:35 иваз карда шуданд. Аз ин лиҳоз, барои санҷидан ҷавобҳои рӯзи 8‑ум гузошташударо истифода намоед.