Ректори ДСРТ: Донишгоҳи мо бо 9 донишгоҳи хориҷӣ шартнома дорад

Душанбе, 14.07.2015. (АМИТ «Ховар», Ситораи Боймурод).- Донишгоҳи славянии Русияву Тоҷикистон марз ва мавзӯи байналхалқии муносибатҳоро васеъ менамояд. Дар марҳалаи ҳозира донишгоҳ бо 75 донишгоҳи хориҷӣ шартнома дорад. Дар давраи ҳисоботӣ 9 созишнома бо донишгоҳҳои Кипр, Русия, Кореяи Ҷанубӣ ва Япония баста шудааст,- иброз дошт ректори донишгоҳ Нуралӣ Салихов имрӯз зимни нишасти матбуотӣ ба хабарнигорон.
Дар давраи ҳисоботӣ лоиҳаҳои барномаҳои омӯзишии байналхалқӣ амалӣ гардиданд ва Донишгоҳи шабакавии ИДМ, Донишгоҳи Созмони ҳамкориҳои Шанхай, лоиҳаҳои «UNICO» дар доираи лоиҳа таъсис дода шуданд.
Маркази омӯзиши забони англисӣ UNICO бо ҷалби мутахассисони Ҷумҳурии Тоҷикистон барои такмили сатҳи дониш ва малакаи тахассусӣ аз рӯи забони англисӣ фаъолият дорад, ки дар он  барои 12 корманди «Ориёнбонк» забони англисӣ омӯзонида мешавад.