САҲШ дар шаш моҳ зиёда аз 219 ҳазор санадро ба қайд гирифт

Душанбе, 23.07.2015. (АМИТ «Ховар», Ситораи Боймурод).- Тибқи иттилои Вазорати адлияи кишвар, идораҳои нотариалии давлатӣ дар давраи ҳисоботӣ 250 ҳазору 020 амалиёти нотариалиро ба расмият дароварданд, ки аз ин фаъолият ба буҷаи давлатӣ 19 357 055 (нуздаҳ миллиону сесаду панҷову ҳафт ҳазору панҷову панҷ) сомонӣ ворид гардид. 
Гуфта мешавад, ки аз тарафи мақомоти сабти асноди ҳолати шаҳрвандӣ дар тӯли шаш моҳи соли равон 219 ҳазору 198 аснод, аз ҷумла 108 ҳазору 742 сабти таввалуд, 27 ҳазору 140 сабти таввалуди муҳлаташ гузашта, 17 ҳазору 252 сабти вафот, 528 сабти вафоти муҳлаташ гузашта, 33 ҳазору 384 сабти никоҳ, 4 539 сабти бекор кардани ақди никоҳ, 13 ҳазору 814 сабти муқаррар намудани падарӣ, 428 сабти фарзандхонӣ, 13 ҳазору 371 сабти иваз намудани насаб, ном ва номи падарӣ ба қайди давлатӣ гирифта шуд.