Сиёсати қарзии «Амонатбонк» ба рушди иқтисодиёти кишвар нигаронида шудааст

          Душанбе, 15.07.2015.(АМИТ «Ховар», Марзия Саидзода).-Дар доираи татбиқи барномаи «Қабули пардохт»  дар марказҳои хизматрасонии  филиалҳои «Амонатбонк» 129 нуқтаи   қабули пардохтҳо насб гардида,  фаъолият доранд, мегӯяд  Рӯҳуллоҳ Ҳакимзода-раиси Бонки давлатии амонатгузории Тоҷикистон  «Амонатбонк». Мавсуф   афзуд, ки ин тадбир бо  мақсади  таъмини шаффофияти   амалиёти  буҷети давлатӣ дар ҳамкорӣ бо Кумитаи андози назди Ҳукумати мамлакат   андешида шудааст.
       Бо дахли сиёсати қарзии бонки давлатии кишвар, Р. Ҳакимзода гуфт, ки   сиёсати қарзии «Амонатбонк» дар ин давра ба рушди  соҳаҳои  муҳиму афзалиятноки  иқтисодиёти  кишвар, бахусус  муҳайё намудани ҷойҳои нави корӣ  ва дар ин замина  баланд бардоштани сатҳи некуаҳволии мардум нигаронида  шудааст.
      Гуфтан ба маврид аст, ки   вобаста ба 6 банди  фоизи паст намудани   фоизи қарзӣ  ва зиёд намудани муҳлати  пардохти он аз ду то ба се сол, ҳаҷми пешниҳоди қарзҳо  дар қиёс ба ҳамин давраи соли гузашта 2, 5 маротиба зиёд гардида,  дар ҳаҷми 769, 5 миллион сомонӣ  ба муштариён пешниҳод гардидааст. Қарзҳои ҷудошуда асосан ба соҳаҳои кишоварзӣ 22%, саноат 20,9, сохтмон 25,5 %,  истеъмолӣ 9,3 %, тиҷорат  21,1 % ва 1,2 % ба дигар соҳаҳо рост меояд.  Хусусан ҷиҳати таъмини барномаи озуқаворӣ дар кишвар  дар соҳаи картошкапарварӣ  қарзҳои имтиёзнок дар ҳаҷми 11 миллион сомонӣ  дастрас шуд, ки дар қиёс нисбат ба ҳамин давраи соли гузашта 7, 1 миллион сомонӣ  ё ин ки 2,9 маротиба  зиёд аст.