ҶСП «Оби зулол» маҳсулоташро ба Кувайт содирот мекунад

Душанбе, 10.07.2015. (АМИТ «Ховар», Ситораи Боймурод).- Ҷамъияти саҳҳомии  пӯшидаи «Оби зулол» дар марҳилаи аввал маҳсулоташро ба давлати Кувайт ва сипас ба кишварҳои дигари арабӣ содирот мекунад.
Тавре ки дар ин бора Хадамоти матбуоти раиси вилояти Суғд хабар додааст, масъулини ҶСП «Оби зулол» мӯътақиданд, ки маҳсулоти ин корхона ҷавобгӯи талаботи байналмилалӣ буда, бо ҷоизаҳои марбутаи сифат қадршиносӣ шудааст.
Маросими имзои қарордоди дахлдор бобати роҳандозии содироти обҳои Тоҷикистон ба Кувайт дар радифи баргузории Конфронси байналмилалии сатҳи баланд доир ба ҷамъбасти раванди татбиқи амалии Даҳсолаи байналмилалии амалиёти «Об барои ҳаёт» сурат гирифтааст.