Суғд: прокуратура 255 ҷинояти экстремистиро ошкор кард

Хуҷанд, 01.07.2015. (АМИТ «Ховар»,Абдуаҳад Шарифзода).-Дар 5 моҳи соли равон дар  ҳудуди вилоят  255 ҷинояти террористию ифротгароӣ ошкор ва ба қайд гирифта шуда,  92 парвандаи ҷиноятӣ нисбат ба 236 нафар оғоз ва тафтиш  шудааст, ки  аз ин миқдор 31 парванда нисбат ба 136 нафар бо тасдиқи фикри айбдоркунӣ ба суд фиристода шуда,  алъон 143 нафар айбдоршавандаи ҷиноятҳои ифротгароӣ-террористӣ дар кофтукоби расмӣ қарор дорад.,-зикр намуд 30 июн  зимни ҷаласаи ҳайати мушовара оид ба ҷамъбасти фаъолияти мақомоти прокуратураи вилоят  прокурори вилояти Суғд Ҳабибулло Воҳидов. Зикр шуд, ки аз  ҷониби мақомоти прокуратураи вилоят 2875 ҷиноят  ба қайд гирифта шуд. Аз ҷониби муфаттишони прокуратураи вилоят 877 парвандаи ҷиноятӣ мавриди тафтиш қарор дода, тафтиши 514 адад ба итмом расонида шуда, 482 адади он ба суд ирсол шудааст
Ҳабибулло Воҳидов ҳамчунин изҳор намуд, ки аз оғози соли ҷорӣ 650 санҷиш гузаронида шуд, ки дар натиҷа беш аз 5000 нафар, аз ҷумла 1145 нафар шаҳрванд ба ҷавобгарии интизомӣ, 442 нафар ба ҷавобгарии моддӣ ва 3590 кас ба ҷавобгарии маъмурӣ кашида шуд.