Суратҳисоби бонкии Ҷамъияти Тоҷикистону Британия барои зарардидагони ВМКБ

Душанбе, 23.07.2015. (АМИТ «Ховар», Фарзонаи Давлат).-Тавре ки хабар додем, рӯзҳои охир дар минтақаҳои Вилояти Мухтори Кӯҳистони Бадахшон ҳодисаҳои шадиди селфароӣ ҷараён доранд. Офатҳои табиӣ ба хонаводаҳои ноҳияҳои Шуғнон, Ванҷ ва Рашт зарари зиёд оварда, боиси фавти ҳафт шаҳрванд гардиданд.
Ба хотири дастгирӣ ва кумак аз ҷониби шахсони хайрхоҳи кишвар нуқтаҳои кумакрасонӣ ба мардуми ВМКБ дар дигар минтақаҳои кишвар кушода шудаанд.
Сафорати Британияи кабир дар Тоҷикистон бо эҳсоси ҳамдардии амиқ якҷоя бо Ҷамъияти Тоҷикистону Британияи Кабир «Пайванд» барои зарардидагон кумаки моддӣ ҷалб менамояд.
Ҷамъияти «Пайванд» барои кумакрасонӣ суратҳисоби бонкии хайрияи худро ташкил кардааст. Дар фармоиши бонкӣ (reference) ибораи “Help to GBAO”-ро ворид намоед.
Lloyds Bank
228 Station Road
Harrow Middlesex
HA1 2EB
Sort code: 30-93-92
Account number: 02986835
Swift code: LOYDGB21129
Дар анҷом маблағҳои ҷамъшуда ба суратҳисобҳои бонкӣ дар Тоҷикистон, ки махсус барои мақсадҳои зерин кушода шудаанд, равон карда мешаванд.
Барои пурсишу дархост роҷеъ ба ин масъала метавонед бо Сафорат дар тамос шавед.
Тел. 0208 834 2113.