Таҷлил аз 22-солагии қӯшунҳои хушкигард

Душанбе, 02.07.2015. (АМИТ «Ховар», Лайло Тоирӣ).- 22-юмин солгарди таъсиси қӯшунҳои хушкигард дар қисми низомии 07017 бо саф оростани ҳайати шахсӣ ва садо додани суруди миллӣ шурӯъ гардид. Дар чорабинии идона масъулини Вазорати мудофиа, намояндагони мақомоти иҷроия, ҳайати фармондеҳии қӯшунҳои хушкигард, собиқадорони  Қувваҳои Мусаллаҳ иштирок намуданд.
Иштирокчиёни чорабинӣ аз таъсисёбии Қӯшунҳои хушкигард саҳми собиқадорон ва умуман ҳайати шахсии он дар барқарор намудани сохти конститусионӣ, пойдории сулҳу суботи сартосарӣ, Ваҳдати миллӣ ва дигар пешравиҳои ҷомеаи кунунӣ ёдовар шуданд.

Дар чорабинӣ ба як гурӯҳ афсарону сарбозон, собиқадорони Қувваҳои Мусаллаҳ ва дигар фаъолон, ки дар рушду такомули ин навъи қӯшун хизматҳои арзанда намудаанд, рутбаҳои навбатии ҳарбӣ, медалу ифтихорномаҳо ва  туҳфаҳои хотиравӣ тақдим шуданд.