Тарҷумонӣ- меҳр доштан ба адабиёти ҷаҳон аст

Ҳисор, 03.07.2015. (АМИТ «Ховар», Ҳотами Шариф).-Нашриёти «Бухоро» китоби «Дили модар»-ро бо теъдоди 500 нусха дастраси хонандагон намуд. Дар китоб ҳикояву латифаҳои аз русӣ ба тоҷикӣ тарҷумакардаи шоир, нависанда ва тарҷумон  Саидмурод Расулӣ ҷой гирифтаанд. Дар асар ҳикояҳои адибони рус В.Шукшин «Дили модар», В. Биянки «Неруи садои мо», А.Зорин «Номи баланд» хонаданбобу ҷолибанд.
Саидмурод Расулӣ дар баробари адиби сермаҳсул будан боз роҳбарии маҳфили адабии «Истеъдод»-и назди бахши Иттифоқи нависандагони Тоҷикистон дар ноҳияи Ҳисорро ба уҳда дорад. Ӯ муаллифи китобҳои «Олами ҳунар», «Достони Киш», «Қиссаи дил» ва  «Ҳимматбаландон» аст.