Тавилдара: қисми хароҷоти буҷет иҷро нагардид

Тавилдара, 29.07.2015. (АМИТ «Ховар», Субҳониддини Маҳмуд).-Даромади буҷети ноҳияи Тавилдара дар нимсолаи якуми соли 2015 ба ҷои  1 миллиону 291 ҳазору 450  сомонии нақшавӣ   ба андозаи 1 миллиону 549  ҳазору 465 сомонӣ иҷро шудааст, ки он ба 120 дарсади нақша баробар аст.
Воридоти андози иҷтимоӣ ба буҷаи ҷумҳуриявӣ ба қадри 1 миллиону              539 ҳазору 278 сомонӣ дар ин давра иҷро гардид, ки он 101 дарсади нақшаро ташкил медиҳад.
Нақшаи андозҳо бо назардошти андози иҷтимоӣ дар шашмоҳаи аввали соли ҷорӣ бо маблағи 3 миллиону 88 ҳазору 744 сомонӣ, ё ин ки 110 дарсад иҷро шудааст, ки ин нишондиҳанда дар муқоиса ба ҳамин давраи соли гузашта 260 ҳазору 783 сомонӣ зиёд мебошад.            
Қисми хароҷоти буҷет дар шаш моҳи сипаригашта  ба ҷои 7 миллиону 103 ҳазору 505 сомонии нақша 6 миллиону 249 ҳазору 294 сомонӣ иҷро шудааст, ки он ба 88 дарсади қисми хароҷот баробар аст.   Сабаби иҷро нашудани қисми хароҷоти буҷет- ин аз ҳисоби  Вазорати молия ҷудо нагардидани 399 ҳазору 75 сомонӣ ва  ҷойҳои кори холии ташкилоту муассисаҳои ноҳия  мебошад.