Толибон дар вилояти Пактиё се духтарро куштанд

Душанбе, 10.07.2015.(АМИТ «Ховар»).-Полиси вилояти Пактиё таъйид кардааст, ки дар натиҷаи ҳамлаи толибон ба чанд посгоҳи амниятӣ талафоти сангин ба ҷангҷӯёни ин гурӯҳ ворид шудааст.
Намояндаи амнияти вилояти Пактиё ба хабаргузории «Уфуқ» гуфтааст, ки дар ин ҳамла 12 толиб кушта ва 16 тани дигар захмӣ шудааст. Мувофиқи хабари расида, дар натиҷаи партоби гулӯла аз тарафи толибон бар як минтақаи маскунӣ се зан кушта шудааст. Ҳамчунин захмӣ шудани се маъмури полис низ дар ин даргирӣ таъйид шудааст.
 Пактиё дар шарқи кишвари Афғонистон ҷойгир буда, аз манотиқе дониста мешавад, ки мухолифони мусаллаҳи давлат дар баъзе рустои он ҳузури фаъолият доранд.
Дар ҷараёни чанд рӯзи гузашта ин хунинтарин рӯз барои толибони мусаллаҳ дар атрофи вилояти Пактиё дониста шудааст.