Қумандони калидии Толибон «Мулло Зиндонӣ» дар Афғонистон маҳв карда шуд

Душанбе, 24.07.2015. (АМИТ «Ховар»). — Бино ба изҳороти ВКД-и Афғонистон, рӯзи панҷшанбе 23-юми июл қумандони калидии Толибон Мулло Зиндонӣ дар ҷануби музофоти Ҳилманди Афғонистон кушта шудааст. 
Чунон ки дар изҳорот омадааст: «Субҳи рӯзи панҷшанбе нозирони полиси минтақаи Мусо Қалъа дар роҳе, ки Мулло Зиндонӣ мегузашт, камин гирифта, ӯро маҳв карданд».
Мулло Зиндонӣ қумандони калидии Толибон дар минтақаҳои Мусо Қалъа ва Каҷакӣ буда, маҳви ӯ шикасти бузург барои ошӯбгарони мусаллаҳи ҷанубии Афғонистон гардид.
Толибон то ҳанӯз ин ҳодисаро шарҳ надодаанд.