Қурғонтеппа: пешгирӣ аз шомилшавии ҷавонон ба гурӯҳҳои ифротӣ

Душанбе,30.07.2015 (АМИТ «Ховар», Анвари Неъмат).-Дар Маркази саломатии кӯдаконаи шаҳри  Қӯрғонтеппа бо иштироки васеи кормандони соҳаи тандурустии маркази  вилояти Хатлон ҷамъомад доир гардид, ки дар он масъалаи шомилшавии ҷавонон ба гурӯҳҳои ифротгаро мавриди таваҷҷуҳ қарор гирифт. Дар ҷамъомад вобаста ба тарбияи дурусти фарзандон ва воқеаҳои ҷаҳон сухан рафт. Амонулло Шаймонов, ҳуқуқшиноси дастгоҳи раиси шаҳри Қӯрғонтеппа иттилоъ дод, ки аз вилояти Хатлон 65 нафар ба давлати Сурия рафтааст, ки 39 нафараш аз минтақаи Қӯрғонтеппа  мебошад.  Мутаассифона,  то имрӯз  22 нафараш кушта шудааст. Бо дарки ин мушкилот кормандони соҳаи тандурустии шаҳри Қӯрғонтеппа ин амалро маҳкум намуда, баҳри рафъи мушкилоти ҷойдошта андешаҳои хешро иброз намуданд.