Восеъ: соҳаи саноат ва сохтмон рушд меёбад

Кўлоб,25.07.2015. (АМИТ «Ховар», Фарҳоди Мадамин).-Дар нишасти матбуотии ноҳияи Восеъ зикр шуд, ки кормандони соҳа дар шаш моҳи соли ҷорӣ ба маблағи 2 млн. 212 ҳазору 561 сомонӣ маҳсулоти саноатӣ истеҳсол намуданд, ки 105,7 фоизро ташкил медиҳад.          Бояд зикр намуд, ки дар соли ҷорӣ кормандони соҳаи саноат 3872,4 тонна орд, 210 тонна равғани растанӣ, 3295 тонна намаки ошӣ, 425, 4 тонна нон  ва маҳсулоти нонӣ ва ҳамзамон 8100 дал оби ҷав истеҳсол намуданд.
Қобили зикр аст, ки заҳматкашони  ноҳия дар соҳаи сохтмон низ ба пешравӣ ноил шуданд. Дар давраи ҳисоботӣ аз ҷониби сохтмончиён ба маблағи 23 млн. 416, 2 ҳазор сомонӣ  сармояи асосӣ аз худ гардид. Дар  ин замина корҳои сохтмониву васлгарӣ ба маблағи 20 млн. 972,1 ҳазор сомонӣ тибқи нақша иҷро шуд.