Ҷаласаи васеи гурӯҳи кории Кумитаи рушди маҳал

Душанбе, 07.08.2015 (АМИТ «Ховар»).- Чанде пеш дар Кумитаи рушди маҳали назди Президенти Ҷумҳурии Тоҷикистон ҷаласаи васеи кории ин ниҳоди давлатии навтаъсис доир гардид, ки дар рафти он як қатор масъалаҳои мубрами рӯз баррасӣ гардид.
Дар асоси дастуру супоришҳои Президенти Ҷумҳурии Тоҷикистон мӯҳтарам Эмомалӣ Раҳмон ва таъмини иҷрои қарори Ҳукумати Ҷумҳурии Тоҷикистон аз 24 июли соли равон «Дар бораи чораҳои аввалиндараҷаи рафъи оқибатҳои офатҳои табиӣ дар Ҷумҳурии Тоҷикистон» дар Кумитаи рушди маҳали назди Президенти Ҷумҳурии Тоҷикистон барои рафъи оқибатҳои  офатҳои табиӣ дар Вилояти Мухтори Кӯҳистони Бадахшон ва ноҳияи Рашт  гурӯҳи корӣ таъсис дода шуд. 
Вобаста ба иҷрои супориши раиси  Кумита дар бораи татбиқи барномаи Стратегияи рушди маҳал, Консепсияи идоракунии рушди маҳал дар Ҷумҳурии Тоҷикистон барои давраи то соли 2030 ва рафти тайёрӣ ба ҷашнгирии иду маъракаҳои сиёсӣ дар Кумита гурӯҳи кории босалоҳият таъсис дода шуд. 
Дар ҷаласаи мазкур гурӯҳи корӣ вазифадор гардид, ки ҷиҳати саривақт ва босифат иҷро намудани чорабиниҳо тадбирҳои мушаххас андешанд.