Ҳалокати 22 нафар дар таркиши назди хадамоти амнияти Миср

Душанбе, 20.08.2015. (АМИТ «Ховар»). — Бар асари як таркиш 20 август дар назди бинои хадамоти амнияти Миср 22 нафар ҳалок гардида, бинои мазкур ва дигар биноҳои атрофи он зарари ҷиддӣ дидаанд.
Бино ба иттилои хабаргузориҳои хориҷӣ,  террористи худкуше мошини ҳомили маводи таркандаро дар канори бинои хадамоти амният гузошта, фирор кардааст, ки пас аз чанд лаҳза таркиш ба амал омадааст. 
Масъулияти ин таркишро гурӯҳи ифротгарои «Давлати исломӣ» бар уҳда гирифт. 
Бояд гуфт, ки таркиши мазкур дар ҳоле рух дод, ки як рӯз пеш аз ҷониби президенти Миср қонуни нави зиддитеррористӣ имзо шуда буд.