Ҳалокати 9 нафар дар садамаи нақлиётии маргбор
Душанбе, 10.08.2015 (АМИТ «Ховар», Фарзонаи Давлат).-Дар се рӯзи охири соли равон дар қаламрави кишвар дар натиҷаи садамаҳои нақлиётӣ ҳалокати беш аз10 нафар ба қайд гирифта шудааст.
Бино ба иттилои сомонаи Вазорати корҳои дохилии кишвар, 07-уми августи соли равон тахминан соати 23:45-дақиқа, ронандаи автомашинаи тамғаи “опел-Астра” ҳангоми ҳаракат дар километри 319-уми шоҳроҳи “Душанбе-Кӯлоб-Дарвоз” аз ӯҳдаи идораи воситаи нақлиёт набаромада, ба тарафи рости роҳ аз баландии 12-метр ба дарёи Панҷ чаппа шудааст. Дар натиҷа худи ронанда ва 8 нафар мусофиронаш дар дарёи мазкур ғарқ шудаанд.
Ҳамчунин, рӯзи 08-уми август ронандаи автомашинаи тамғаи “Долонг”, марди 30-солаи сокини шаҳри Турсунзода, ҳангоми ҳаракат аз шаҳри Душанбе ба самти шаҳри Кӯлоб, аз ӯҳдаи идораи воситаи нақлиёт набаромада, ба тарафи рости роҳ чаппа шудааст. Дар натиҷа худи ронанда ҷароҳати вазнини ҷисмонӣ бардошта, дар беморхона ба ҳалокат расидааст.
Дар ин рӯз, ронандаи автомашинаи тамғаи “Мерседес-Бенс”, ҷавони 23-солаи сокини шаҳри Душанбе, ҳангоми ҳаракат аз тарафи кӯчаи Деҳотӣ ба самти кӯчаи Абайи пойтахт, дар ҳудуди хиёбони Борбад аз ӯҳдаи идораи воситаи нақлиёт набаромада, пиёдагард марди 42-солаи сокини ноҳияи Рӯдакиро пахш намудааст. Дар натиҷа пиёдагард ҷароҳати вазнини ҷисмонӣ бардошта, дар ҷои ҳодиса ба ҳалокат расидааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
