Амфитеатри Кӯлоб барқарор мешавад

Кӯлоб, 01.08.2015. (АМИТ «Ховар», Анвари Неъмат).- Баҳри арзанда пешвоз гирифтани 700- солагии олими намоёни Шарқ Мир Саид Алии Ҳамадонӣ ва таҷлили 25- умин солгарди Истиқлолияти давлатии Ҷумҳурии Тоҷикистон    дар шаҳри Кӯлоб корҳои ободонӣ, навсозиву барқарокунии иншооти ниёзи мардум  идома доранд. Қисми берунии  биноҳои баландошёнаи марказ бо маблағи 613,8 ҳазор сомонӣ таъмиру рангубор гардида, бинои Қасри фарҳанги шаҳрро сохтмончиёни ширкати «Сумая» аз таъмир бароварданд. Дар ин раванд   бо маблағгузории мақомоти иҷроияи ҳокимияти давлатии шаҳри Кӯлоб  таъмиру барқарорнамоии Амфитеатр, ки барои 7000-ҷойи нишаст пешбинӣ шудааст, идома ёфта, барои қабули меҳмонон дар рӯзҳои хотирмони ҷашн  сохтмону барқарорсозии бинои  замонавӣ барои 800 нафар ҷараён дорад.