Ҷамъоварии адабиёти теъдоди нашрашон кам

Душанбе, 25.08.2015 (АМИТ «Ховар»,).- Дирӯз, 24 августи соли ҷорӣ аз ҷониби Муассисаи давлатии «Маркази миллии патенту иттилоот»-и Вазорати рушди иқтисод ва савдо  ба «Хазинаи адабиёти теъдоди нашрашон кам»-и Китобхонаи давлатии патентию техникӣ 1009 (як ҳазору нуҳ) дона адабиётхои гуногунсоҳаи теъдоди нашрашон кам супорида шуд. 
 «Хазинаи адабиёти теъдоди нашрашон кам»-и китобхонаи мазкур  зиёда аз 3000 ададро ташкил медиҳад, ки дар даврони истиқлолият ба чоп расида, теъдоди нашрашон кам аст.
Ёдрас мешавем, ки мутобиқи Қарори Ҳукумати Ҷумҳурии Тоҷикистон аз ҷониби Муассисаи давлатии «Маркази миллии патенту иттилоот» ҳамасола аз ташкилоту муассисаҳо, муассисаҳои олӣ, чопхонаҳо, шахсони воқеию ҳуқуқӣ адабиёти теъдоди нашрашон кам ҷамъоварӣ карда шуда, ба «Хазинаи адабиёти теъдоди нашрашон кам»-и Китобхонаи давлатии патентию техникӣ супорида мешавад.