Ҷамъоварии ҳосили ғалладона

Душанбе, 07.08.2015. (АМИТ «Ховар», Ситораи Боймурод).- Имрўзҳо дар хоҷагиҳои деҳқонии ҷумҳурӣ ҷамъоварии ҳосили ғалладона муташаккилона идома дарад. Тибқи маълумоти фаврии Раёсати растанипарварӣ соли ҷорӣ дар ҷумҳурӣ дар майдони 324194 гектар кишти зироатҳои ғалладона гузаронида шудааст, ки то 04-уми августи соли равон майдони 256349 гектари он даравида шудааст.
Тавре ки дар ин бора аз Вазорати кишоварзии кишвар хабар доданд, ҳосили 248815 гектари он куфта шудааст, ки нисбат ба ҳамин давраи соли гузашта 22222 гектар афзунтар аст. Ҳосили умумии ғалладонагиҳо миқдори 692755 тонна буда, нисбат ба ҳамин давраи соли гузашта 55348,5 тонна зиёд мебошад ва ҳосилнокӣ аз ҳар гектар 27,8 сентнериро ташкил медиҳад.
Миқдори комбайнҳои ғалладарав дар мавсими ҷамъоварии ҳосили ғалладона то санаи мазкур 989 ададро ташкил медиҳад, ки дар айни замон 245 адади он мавриди истифодабарӣ қарор дорад.