Беш аз 61 ҳазор сомонӣ зарар дар ҳодисаҳои сӯхтор тайи як рӯзи гузашта

Душанбе, 07.08.2015. (АМИТ «Ховар», Фарзонаи Давлат).-Тайи як рӯзи гузашта, 6-уми август дар ҷумҳурӣ аз ҷониби Хадамоти оташнишонии Вазорати корҳои дохилии Тоҷикистон 4 ҳолати сухтор ба қаид гирифта шудааст, ки беш аз 66 ҳазор сомонӣ заррар овардааст. 
Бино ба иттилои Вазорати корҳои дохилӣ, дар ҳавлии истиқоматии марди 53-солаи сокини ноҳияи Конибодом, дар масоҳати 24-метри мураббаъ сӯхтор ба амал омадааст, ки 4600-сомонӣ зарар ворид овардааст.    
Инчунин дар ин рӯз, дар ҳавлии истиқоматии марди 73-солаи сокини ноҳияи Рӯдакӣ сӯхтор масоҳати 40-метри мураббаъро фаро гирифта, ба маблағи  8000-сомонӣ зарар расонидааст. 
Ҳамин тариқ, оғилхонаи марди 53-солаи сокини ноҳияи Шуғнон дар масоҳати 96-метри мураббаъ оташ гирфита, зарари расонидашуда 4000-сомониро ташкил медиҳад. 
Дар ҳамин рӯз, дар ҳуҷра-вагони дастгоҳи пармакунии Корхонаи Воҳиди Давлатии экологии геометрии геология, воқеъ дар шаҳри Ваҳдат дар масоҳати 8-метри мураббаъ, сӯхтор ба амал омадааст. Зарари расонидашуда 50000-сомониро ташкил медиҳад. 
Сабаби сар задани сӯхтор расиши кӯтоҳи ноқилҳо ва нодуруст истифода бурдани ноқилҳои барқӣ мебошад.