Беш аз 7 ҳазор сомонӣ ҳамчун товони зарар ба мардуми Тавилдара

    Тавилдара, 05.08. 2015 (АМИТ «Ховар», Субҳониддини Маҳмуд).-Шуъбаи суғуртаи давлатии ноҳияи Тавилдара баҳри иҷрои Қонуни Ҷумҳурии Тоҷикистон “Дар бораи суғурта”ва Дастурамали корхонаи воҳиди давлатии “Тоҷиксуғурта”, ”Дар бораи намудҳои суғурта” як қатор корҳоро ба анҷом расонидааст. Дар шаш моҳи соли равон ба ташкилоту муассисаҳо ва аҳолӣ 2 ҳазору 954 шартномаи суғуртавӣ баста шуд, ки аз ин   325 тоаш  шартномаи ҳатмӣ ва 2 ҳазору 629 тоаш  шартномаи ихтиёрӣ мебошад.
 Аз ҳамаи намудҳои суғуртаи ҳатмию ихтиёрӣ ба маблағи 64 ҳазору 736 сомонӣ пардохтҳои суғуртавӣ ворид шудааст, ки ба 116,8 дарсади  нақша баробар аст. Дар муқоиса ба ҳамин давраи соли 2014  ин муассиса 145 шартнома  зиёд баста, 5 ҳазору 994  сомонӣ маблағ ба буҷет ворид намудааст.
Ба суғурташудагони ба ҳаёту саломатиашон осебрасида ва молу амволашон зарардида дар  ин давра   ба маблағи 7 ҳазору  560 сомонӣ ҳамчун товони зарар ҳақгузорӣ карда  шудааст/