Чораҳои муассир барои рафъи оқибатҳои офатҳои табиӣ

Душанбе, 13.08.2015. (АМИТ «Ховар», Лайло Тоирӣ).-  Масъалаи   андешидани  чораҳо барои  рафъи оқибатҳои  офатҳои табиӣ дар Ҷумҳурии Тоҷикистон зимни  маҷлиси  кории назди Раиси  Кумитаи рушди маҳали назди Президенти Ҷумҳурии Тоҷикистон Қосим  Раҳбар баррасӣ гардид.  
Бо мақсади омӯзиши рафти иҷрои  дастуру супоришҳои Президенти Ҷумҳурии Тоҷикистон Эмомалӣ Раҳмон ва иҷрои қарори Ҳукумати Ҷумҳурии Тоҷикистон «Дар бораи чораҳои аввалиндараҷаи рафъи оқибатҳои офатҳои табиӣ дар Ҷумҳурии Тоҷикистон» бо фармоиши Раиси Кумитаи рушди маҳали назди Президенти Ҷумҳурии Тоҷикистон, Қосим  Раҳбар гурӯҳҳои корӣ таъсис шуданд, ки 12 август ба минтақаҳои вилояти Бадахшон ва ноҳияи Рашт сафарбар гардиданд.