Чорабиниҳои варзишӣ бахшида ба рӯзи Истиқлолият

Душанбе, 26.08.2015 (АМИТ «Ховар»).- Ба иттилои Кумитаи ҷавонон варзиш ва сайёҳии назди Ҳукумати Ҷумҳурии Тоҷикистон бахшида ба рӯзи Истиқлолияти ҶТ ва  бо мақсади дарёфти ҷавонони лаёқатманд аз 29то 30 августи соли ҷорӣ дар вилояти Суғд мусобиқаи ҷумҳуриявӣ оид ба велосипедронӣ баргузор мегардад. Дар назар аст, ки дар мусобиқаи мазкур велосипедронони шаҳру ноҳияҳои кишвар иштирок намоянд.
 Дар доираи чорабиниҳои варзишӣ бахшида ба 24-умин солгарди ҷашни Истиқлолияти кишвар дар шаҳри Кӯлоб  низ аз 1-ум то 4-уми сентябр мусобиқаи ҷумҳуриявӣ оид ба тӯби дастӣ доир мегардад.