Дар Нангарҳор 71 ҷангии ифротгаро маҳв карда шуд

Душанбе, 10.08.2015 (АМИТ «Ховар»).- Дар натиҷаи як амалиёти густурдаи низомӣ дар вилояти Нангарҳори Афғонистон 71 ҷангии ифротгаро маҳв ва 38 нафари дигар маҷрӯҳ карда шуд. Бино ба иттилои агентии хабарии «Пажвок», ин амалиёти низомӣ аз ҷониби Артиши миллии Афғонистон сурат гирифта, ҳамчунин муяссар шудааст, ки 83 мина, ки ифротгароён ба ҳадафҳои гуногун истифода карданӣ буданд, ошкор ва безарар гардонида шудааст.