Фестивали ҷумҳуриявии либосҳои миллии «Хандаи ҳусн»

Душанбе, 7.08.2015. (АМИТ «Ховар», Лайло Тоирӣ).- Бо ибтикори Сарвари давлат ва Ҳукумати Ҷумҳурии Тоҷикистон фестивали ҷумҳуриявии либосҳои миллӣ «Хандаи ҳусн» бахшида ба «Соли оила» роҳандозӣ шуда баргузории он дар шаҳру ноҳияҳо ва маркази вилоятҳо идома дорад.
Бино ба иттилои Кумитаи кор бо занон ва оилаи назди Ҳукумати ҶТ, мақсад аз баргузории  фестивали мазкур  баланд бардоштани мақому манзалати сару либоси миллӣ, тақвият бахшидани истеҳсоли анвои гуногуни матоҳои миллӣ, аз қабили атласу шоҳӣ, густариши санъати чакандӯзию алочабофӣ, гулбасту адрасбофӣ мебошад.  Фестивал   ҳамзамон барои таквият бахшидан ба  ҳунари тарроҳон ва ба ин васила тарғибу ташвиқи либосҳои миллӣ ва арҷгузорӣ ба расму оин, таровати сарулибос ва ороишоти миллӣ мусоидат хоҳад кард.