Иштироки ҷавонони фаъоли Тоҷикистон ва Қирғизистон дар истироҳатгоҳи таълимӣ

Душанбе, 19.08.2015.(АМИТ «Ховар», Кристина Эрлих). — Зиёда аз 50 намояндагони ҷавонони фаъол аз ҷамоатҳои наздимарзии ноҳияҳои  Исфара ва Б. Ғафурови  Тоҷикистон ва аз ноҳияҳои  Бодканд ва Лейлеки  Қирғизистон дар истироҳатгоҳи таълимӣ таҳти унвони «Дунё. Амал. Офариниш!», ки дар маркази тандурустии «Шоҳин“–и  шаҳри  Қайроққум оғоз гардид, иштирок   менамоянд.
   
Ташкилкунандагони чорабинӣ Бунёди Авруосиёи Осиёи Марказӣ — Тоҷикистон ва Барномаи Рушди Созмони Милали Муттаҳид буда, дар доираи лоиҳаи «Таҳкими иқтидори  дар самти  паст ва пешгирӣ кардани  муноқишаҳо дар ноҳияҳои  наздисарҳадии Тоҷикистон» амалӣ мешавад.

Барои кор дар ин чорабинии  фароғатӣ    мураббиҳо  аз шаҳри Душанбе, Бишкек, Хуҷанд, Бодканд, Кӯлоб, Исфара ва Панҷакент даъват шудаанд.

Иштирокдорон  доир ба методҳои  ташкили чорабиниҳои муштараки фарҳангӣ, чорабиниҳои варзишӣ , имкони таҳия ва татбиқи лоиҳаҳои хурд дар сатҳи ҷомеа  ва ташкилотҳо курс  мегузаранд.

Дар доираи  ин чорабинӣ ҳамчунин  лексияҳо ва муҳокимаҳо оид ба аҳамияти ҳамкориҳои байналмилалӣ ва фаромарзӣ,   таҳаммулпазирӣ ба намояндагони миллатҳои мухталиф  омӯзонида мешавад.