Истиқлолият ва рушди санъати мусиқии тоҷик

Душанбе, 28.08.2015 (АМИТ «Ховар»).- Имрӯз 28-уми август дар Пажуҳишгоҳи илмӣ-тадқиқотии фарҳанг ва иттилооти Вазорати фарҳанги Ҷумҳурии Тоҷикистон дар мавзӯи «Рушди фарҳанги миллӣ дар даврони истиқлол»- конфронси илмӣ баргузор гардид.
Дар кори конфронс олимон ва мутахассисони соҳа иштирок карда, дар мавзӯъхои «Нақши истиқлолият дар таҳкими давлатдории миллӣ», «Дастовардҳои ПИТФИ дар даврони истиқлол», «Истиқлолият ва рушди санъати мусиқии тоҷик», «Рушди инфрасохтори фарҳангӣ дар даврони истиқлол» баррасӣ намуданд.
Ҳадаф аз баргузории конфронси мазкур, баррасӣ ва дар сатҳи баланд ҷашн гирифтани 24-умин солгарди истиқлолияти ҶТ ва фаъолияти Пажуҳишгоҳи илмӣ-тадқиқотии фарҳанг ва иттилоот дар давоми солҳои истиқлолияти кишвар мебошад.