Кишт ва сабзиши пахта

Душанбе, 06.08.2015. (АМИТ «Ховар», Ситораи Боймурод).- Тибқи маълумоти фаврии Раёсати растанипарварӣ соли ҷорӣ дар хоҷагиҳои деҳқонӣ ва ҷамоавии ҷумҳурӣ дар майдони 164765 гектар пахта кошта шуд. Дар айни замон ниҳолҳои пахта бо гузаронидани корҳои агротехникӣ дар ҳолати хуби сабзиш ва кўракбандӣ қарор доранд.
Тавре ки дар ин бора аз Вазорати кишоварзӣ хабар доданд, то 4 июли соли равон қаторҳо дар масоҳати 620809 гектар коркард шуда, дар майдони 412015 гектар пахтазор ғизо дода шуд, ки ин мутаносибан 2,4 ва 2,3 маротибаро ташкил медиҳад. 
Ҳамзамон дар майдони 381265 гектар обёри карда шуд, ки 2,3 маротиба мебошад. Ҳоло нашъунамои пахтазор идома дошта, ниҳолҳои пахта дар ҳолати гулкунӣ қарор дорад.