Корҳои сохтмонӣ дар Муъминобод.

Муъминобод, 13.08.2015 (АМИТ «Ховар» Сулаймон Холов)- Дар нохияи Муъминобод  дар шаш моҳи соли ҷорӣ  аз ҳисоби ҳамаи  манбаъҳо  7 млн 414 ҳазор сомонӣ аз худ карда, шуда, корҳои  сохтмону васлгарӣ  дар ҳаҷми 6 млн 876 ҳазору 700 сомонӣ   ба анҷом расонида шудааст.
Бино ба иттилои раиси ноҳия Тоҳир Амиршозода, дар ҳамин давра аз ҷониби соҳибкорони ватанӣ  6 иншооти хизматрасонӣ  ва маишӣ  сохта ба истифода дода шуд, ки метавонад  эхтиёҷоти мардумро  дар маҳал  ба хадди зарурӣ бароранд. Дар айни замон сохтмони  мактабҳо  барои 200 хонанда  дар як баст  дар деҳаҳои Фурузоба, Садбаргоҳ,  Момандиён, Шаҳрак , хонаи 32 хуҷрадор, касри фарҳанг, варзишгох, қалъаи Муъминобод дар авҷи биноёбӣ буда,  барқарорсозии осоишгоҳи  махсусгардонидашудаи  саломатии беморон баъд аз табобати зиддисилӣ, сохтмони беморхонаи минтақавии деҳаи Кулчашма, осоишгоҳ дар деҳаи Чилдухтарон  ва сохтмони корхонаи дузандагӣ, ҳамом, филиали «Тоҷиксодиротбонк», хати оби нушокӣ дар маркази ноҳия ва дигар  сохтмонҳои хурду  бузург  ҷараён доранд. бояд гуфт, ки 16 синфхонаи иловагӣ ва  4 бунгоҳи тибби низ ба таври ҳашар сохта ба истифода дода шудаанд.