Либосҳои мактабӣ барои хонандагони Бадахшон

Душанбе, 31.08.2015 (АМИТ «Ховар»).-Раиси вилояти Суғд Абдураҳмон Қодирӣ рӯзи 29 август бо шароити истиқоматии фарзандони оилаҳои аз офати табиӣ зарардидаи Вилояти Бадахшон, ки айни замон дар истироҳатгоҳи «20 — солагии Истиқлолияти Ҷумҳурии Тоҷикистон»-и ноҳияи Ҷаббор Расулов ба истироҳат фаро гирифта шудаанд, шинос гардид.
Раиси вилоят дар остонаи Рӯзи дониш муҳассилин ва хонандагонро шодбош гуфта, ба 110 нафар хонандагон сару либоси мактабӣ, пойафзол, ҷузвдон, китобҳои дарсӣ ва дигар лавозимоти зарурӣ тӯҳфа намуд.
 Ёдрас мешавем, кӯдакону наврасони вилояти Бадахшон, ки оилаҳояшон аз офати табиӣ зарар дидаанд, соли нави хонишро дар истироҳатгоҳи «20- солагии Истиқлолияти Ҷумҳурии Тоҷикистон» оғоз мекунанд.