Нақшаи кишти такрорӣ иҷро мешавад

Душанбе, 6.08.2015. (АМИТ «Ховар», Ҳотами Шариф).- Ҳадафи асосии деҳқонони ҷумҳурӣ саҳми арзанда гузоштан, дар таъмини амнияти озуқаворӣ, баланд бардоштани ҳосилнокӣ ва ба ин васила гирифтани дастмузди хуб аст. Ҳамаи деҳқонон барои он сайю кушиш доранд, ки аз ҳар ваҷаб замин самаранок истифода бурда, ҳосили дилхоҳ рӯёнанд. Ин аст, ки нақшаи кишти такрорӣ дар ҷумҳурӣ то 4 август 98 фоиз таъмин гардидааст. Деҳқонони баъзе шаҳру ноҳияҳо масалан деҳқонони шаҳри Турсунзода нақшаро 113 фоиз, ноҳияи Кубодиён 147 фоиз, Мӯминобод 154 фоиз иҷро карданд.
Аммо деҳқонони баъзе шаҳру ноҳияҳо ҳанӯз аз ӯҳдаи иҷрои дурнамо набаромадаанд. Аз ҷумла, деҳқонони ноҳияи Рӯдакӣ то имрӯз 75 фоизи нақшаро иҷро карданд. 
Сардори  Раёсати кишоварзии ноҳияи Рӯдакӣ Файзалӣ Шокиров сабаби инро дар гарм омадани боду ҳаво шарҳ дод. Ӯ авфзуд: «Мо кишти баъзе сабзавот, аз ҷумла турбу шалғамро каме мавқуф гузоштем ва рӯзҳои наздик дар фурсати муносиб, тибқи тадбирҳои агротехникӣ сабзавоти мазкурро кишт хоҳем кард. Яъне мо ҳам ба хотири иҷрои нақша ва ҳам барои ҳосили дилхоҳ  рӯёндан сайю кӯшиш дорем».