Натиҷа ва интизории ду бозии даври чорякниҳоии Ҷоми АFC

Душанбе, 26.08.2015 (АМИТ «Ховар»).-Ду бозии аввали чаҳорякниҳоии Ҷоми AFC (Конфедератсияи футболи Осиё) шоми 25 август ба поён расид. «Ҷоҳор Дарул Такзим»-и Малайзия бар тими меҳмон «Саут Чайна»-и Ҳонконг бо ҳисоби 3-0 ғолиб омад ва «Ал-Қодсия»-и Кувайт бозиро дар майдони худ бо «Ал-Ҷайш»-и Сурия бо ҳисоби 1-1 анҷом дод.
Ду бозии дигари чаҳорякниҳоии Ҷоми AFC шоми имрӯз, 26 август, байни дастаҳои «Истиқлол»-и Тоҷикистон — «Паҳанг”-и Малайзия ва «Кувайт»-и Кувайт — «Китчӣ»-и Ҳонконг барпо мегардад.
Ёдрас мешавем, бозии «Истиқлол» ва «Паҳанг» дар Варзишгоҳи марказии Душанбе соати 20:00 шурӯъ мешавад. Доварони ин бозӣ аз Урдун мебошанд.