Омодагиҳо барои мусобиқоти байналмилалӣ

Мӯъминобод, 03.08.2015. (АМИТ «Ховар»).- Давоми ду рӯз дар ноҳияи Мӯъминободи вилояти Хатлон мусобиқаи қайқронӣ баргузор гардид, ки дар он наврасони соли тавваллудашон 1998-2001-ум дар ҳайати дастаҳои Душанбе — 1, Душанбе — 2 , Хатлон — 2, дастаҳои вилояти Суғд ва дастаи шаҳру ноҳияҳои тобеи ҷумҳурӣ ширкат варзиданд. 
Диловар Расулов дар масофаи 1000 метр ва Некрӯз Раҷабов дар масофаи 5000 метр ба гирифтани ҷойи якум муваффақ шуданд. Миёни духтарон дар масофаҳои 200, 500 ва 1000 метр ҷои аввал насиби варзишгарони дастаи Хатлон-2 гардид, ҷои  дуюмро дастпарварони вилояти Суғд ва ҷои сеюмро варзишгардухтарони шахри Душанбе ишғол карданд.  Акнун ғолибон ва беҳтаринҳои мусобиқа дар ҳайати дастаи мунтахаби кишвар ба машқу тамринҳои дастаҷамъӣ сафарбар шуда, барои иштирок дар мусобиқаҳои байналмилалӣ омодагӣ мебинанд.