Пешгирии интиқоли ғайриқонунии пулҳои қалбакӣ
Душанбе, 7.08.2015. (АМИТ «Ховар»).- Тавре ки аз Хадамоти гумруки назди Ҳукумати Ҷумҳурии Тоҷикистон хабар доданд, аз тарафи кормандони Раёсати минтақавии гумрукӣ дар вилояти Хатлон кӯшиши интиқоли ғайриқонунии пулҳои қалбакӣ ошкор ва пешгирӣ карда шуд.
Дар толори назорати гумрукии шаҳрвандони гумруки Панҷи Поёни Раёсати минтақавии гумрукӣ дар вилояти Хатлон ҳангоми аз назорати гумрукӣ гузаронидани шаҳрванди вилояти «Тахор»-и Давлати Исломии Афғонистон Ҷовид Абдул Вакил , соли таваллудаш 1982, ки дар ҳаракатҳояш аломатҳои шубҳанок эҳсос карда мешуд, мавриди санҷиш қарор гирифт.
Ҳангоми гузаронидани муоинаи шахсии Ҷовид Абдул Вакил аз қисми дарунии таҳпӯши ӯ ба миқдори 10 (даҳ) адад пулҳои шубҳаноки арзишашон садсомонаи Ҷумҳурии Тоҷикистон дарёфт карда шуд, ки номбурда мехост ин миқдор пулҳоро тариқи пинҳонӣ ва ғайриқонунӣ ба қаламрави ҷумҳурӣ ворид намояд. Пулҳои мусодирашуда дарҳол ба Бонки миллии Ҷумҳурии Тоҷикистон барои гузаронидани ташхис ва хулосабарорӣ пешниҳод карда шуданд.
Ташхис нишон дод, ки пулҳои мазкур тақаллубӣ буда, барои ба коғази пули аслӣ шабеҳ шуданашон бо моддаи кимёвӣ номаълум коркард шуданд, ки дар зери таъсири нурҳои ултурабунафши офтоб ҷило намедиҳанд. Ҳамчунин дар паси пул ҳангоми ламс кардан дуруштии тури дастгоҳи чопӣ эҳсос нашуда, аломатҳои обӣ бо тарзи кашидани расм ё ёрии тамға тақлид карда шудааст, ки дар фарқият камранг буда, бисёр хира менамоянд.
Аз рӯи ҳодисаи мазкур нисбат ба шаҳрванди Давлати Исломии Афғонистон Ҷовид Абдул Вакил парвандаи ҷиноӣ оғоз гардида, тафтишот дар ин самт идома дорад.
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
