Пурзӯршавии мубориза бо қонунигардонии даромадҳои ғайриқонунӣ
Душанбе, 27.08.2015. (АМИТ «Ховар», Раъно Нусратуллозода).- 25 август дар доираи сафари ҳайати намояндагони Бонки рушди Осиё ба Ҷумҳурии Тоҷикистон, ки аз 17 то 28 август идома меёбад, дар Бонки миллии Тоҷикистон дар самти гузаронидани баҳодиҳии хавфи миллӣ, ки аз ҳисоби кормандони вазорату идораҳои дахлдор ташкил карда шудааст, ҷаласаи навбатии гурӯҳи корӣ доир гардид. Тавре ки аз Бонки миллии Тоҷикистон хабар доданд, дар ҷаласа масъалаҳои омода намудани лоиҳаи ҳисобот оид ба хавфи миллӣ дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, ҳамкории мутақобилаи судманди байналмилалӣ ва байниидоравӣ дар марҳилаи ҷамъоварии маълумот дар ин соҳа мавриди баррасӣ қарор гирифтанд. Ҳадаф аз ташрифи ҳайати намояндагони Бонки рушди Осиё ба Ҷумҳурии Тоҷикистон идомаи Барномаи кумаки техникӣ дар самти “Пурзӯр намудани тартиби мубориза бо қонунигардонии даромадҳо” мебошад, ки 22 ноябри соли 2013 аз тарафи Ҳукумати Ҷумҳурии Тоҷикистон бо Бонки рушди Осиё ба имзо расидааст. Яке аз мақсадҳои барномаи мазкур ин кам намудани сатҳи хавф, пурзӯр намудани низоми мубориза бо қонунигардонии маблағҳо ва сазовор гардидан ба баҳои мусбии ФАТФ (Гурӯҳи таҳияи чораҳои молиявии мубориза бо шустушӯи пул) мебошад.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
