Симпозиуми байналмилалӣ ба ифтихори 700-солагии Мир Сайид Алии Ҳамадонӣ
Душанбе, 05.08.2015.(АМИТ «Ховар», Марзия Саидзода).-«Мир Сайид Алии Ҳамадонӣ замони ӯ ва нақши он дар тамаддуни Осиёи Марказӣ» таҳти чунин сарлавҳа 5-6 сентябри соли равон ба ифтихори 700 -солагии мутафаккири бузурги Шарқ дар Душанбе симпозиуми байналмилалӣ баргузор мегардад.
Дар симпозиум донишмандону муҳаққиқон ва ҳамадонишиносони маъруф аз кишварҳои Русия, Амрико, Фаронса, Эрон, Ҳиндустон, Покистон, Афғонистон, Ӯзбекистон ширкат варзида, маърӯза хоҳанд кард.
Бино ба иттилои Аскаралӣ Раҷабов -котиби масъули баргузории симпозиуми мазкур ба ифтихори ҷашни 700 -солагии Мир Сайид Алии Ҳамадонӣ 5 сентябр дар Душанбе маҷлиси тантанавӣ баргузор гардида, интизор аст, ки дар он Президенти кишвар Эмомалӣ Раҳмон иштирок ва суханронӣ намояд.
6 сентябр симпозиуми байналмилалӣ дар шаҳри Кӯлоб идома ёфта, меҳмонон оромгоҳи Мир Сайид Алии Ҳамадониро, ки дар ин шаҳр воқеъ аст зиёрат намуда, ёдгориҳои қадимаи Ҳулбукро тамошо хоҳанд кард.
Бояд тазаккур дод, ки симпозиуми байналмилалӣ бо ибтикори Ҳукумати Ҷумҳурии Тоҷикистон баргузор гардида, ҳадафаш омӯзиши паҳлӯҳои мероси пурғановати Мир Сайид Алии Ҳамадонӣ, таҳқиқи замони шоир, нақши ин мутафаккир дар рушди тамаддуни Осиёи Марказӣ ва Ҳинд мебошад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
