Суғд: «Ҳафтаи умумиҷаҳонии ҳимояи ғизодиҳии табии кӯдакон»

Душанбе, 06.08.2015. (АМИТ «Ховар», Ситораи Боймурод).- Ҳамасола аз 1 то 10-уми август «Ҳафтаи умумиҷаҳонии ҳимояи ғизодиҳии табии кӯдакон» ҷараён мегирад. Ба ин муносибат дар ҷамоати деҳоти Хизтеварзи ноҳияи Бобоҷон Ғафуров чорабинӣ баргузор гардида, дар он кормандони хонаҳои саломатии ноҳия ва сокинони ҷамоат ҷалб карда шуданд.
Тавре ки дар ин бора Хадамоти матбуоти раиси вилояти Суғд хабар додааст, намояндагони Раёсати тандурустии вилояти Суғд ва соҳаи тибби ноҳия зимни баромади хеш изҳор доштанд, ки аз қабули Қонуни Ҷумҳурии Тоҷикистон «Дар бораи ҳимояи ғизодиҳии табии кӯдакон» 9 сол сипарӣ гардида, дар ин давра барои баланд бардоштани маърифати шаҳрвандон ҷиҳати ғизодиҳии табиӣ ба кӯдак як қатор чорабиниҳо рӯи кор омадааст.
Инчунин  дар ҷамъомад саҳнаҳои тарбиявӣ, ки метавонад маърифати аҳолиро нисбати ҳимояи ғизодиҳии табии кӯдакон баланд бардорад, ба намоиш гузошта шуд.