Тоҷикистониҳо ба қадри сулҳу салоҳ мерасанд

Душанбе, 6.08.2015. (АМИТ «Ховар», Ҳотами Шариф).- Бо ибтикори роҳбарияти Ҳизби Халқии Демократии Тоҷикистон дар шаҳри Турсунзода, ҷиҳати беҳтар ба роҳ мондани корҳои фаҳмондадиҳӣ, пешгирӣ аз амалҳои номатлуб, баррасии вазъи ҷаҳони муосир, роҳҳои пешгирии шомилшавии ҷавонон ба ҳизбу ҳаракатҳои ифротӣ гурӯҳи махсуси ташвиқотию тарғиботӣ дар тамоми минтақаҳои шаҳри Турсунзода, вохӯриву сӯҳбатҳои судмандро мунтазам доир менамояд.  Чунин вохӯрии муфид дар КВД «Ширкати алюминийи  тоҷик» низ бо коргарону муҳандисон ва фаъолони корхона барпо гардид. 
Нотиқон ҳозиринро ба садоқатмандӣ ба Ватан ва расидан  ба қадри сулҳу салоҳ даъват намуда, моҳияти созмонҳои террористӣ, мақсаду ҳадафҳои нопоки онҳоро бо асноду мисолҳои мушаххас баён намуданд.