Ҳуҷҷатҳои мардуми офатзада барқарор карда мешаванд

Душанбе, 03.08.2015 .(АМИТ «Ховар»).- Вазорати корҳои дохилии Ҷумҳурии Тоҷикистон барои барқарор намудани ҳуҷҷатҳои мардуми зарардида аз офатҳои табиӣ дар вилояти Мухтори Кӯҳистони Бадахшон, ноҳияҳои Ванҷ, Дарвоз ва Рашт, ҳамаҷониба ёрии амалӣ мерасонад, — иттилоъ дода шуд ба АМИТ «Ховар», аз Вазорати корҳои дохилии мамлакат.
Мавриди қайд аст, ки кормандони милитсия аз лаҳзаҳои аввали омадани сел ва фаромадани ярч бо мардуми мавзеъҳои зарардида дар робитаи зич қарор дошта, дар бартараф намудани оқибатҳои офати табиӣ онҳоро кӯмаку дастгирӣ менамоянд.