Қурби миёнаи амалиётҳо бо рубли русӣ боз паст фаромад

   Душанбе, 7.08.2015. (АМИТ «Ховар», Лайло Тоирӣ).- Дар давоми ҳафтаи ҷорӣ қурби миёнаи доллари  ИМА дар нуқтаҳои мубодилаи асъори ҷумҳурӣ дар ҳудуди то 6,5200-6,5400 сомонӣ муқаррар карда шуда бошад ҳам, қурби он дар бозор бинобар давом ёфтани пастравии қурби нақдии рубли русӣ, тамоили болоравиро нигоҳ дошта, ба ҳисоби миёна 6,6780-6,6980 сомонӣ ба 1 доллари ИМА баробар шуд.
Бино ба иттилои котиби матбуотии БМТ Абдуғаффор Курбонов, дар айни замон қурби миёнаи амалиёт бо рубли русӣ боз ҳам паст фаромада, 0,1050-0,1070 сомонӣ 1 рубли русиро ташкил дод.
Қурби евро дар ин рӯзҳо каме баланд шуда, 7,2050-7,2410 сомонӣ ба як евро баробар буд.