Ярмаркаи фурӯши либоси ягона дар Файзобод

Файзобод, 19.08.2015 (АМИТ «Ховар», Субҳониддини Маҳмуд).-Бахшида ба соли нави таҳсили мактаббачагон  бо ташаббуси роҳбарияти  Ҷамъияти матлуботи ноҳияи Файзобод дар маркази ноҳия  аз ҳисоби соҳибкорон  аз 10-уми август то 15-уми сентябри соли ҷорӣ  ярмаркаи  фуруши либосҳои мактабӣ баргузор гардида истодааст. Дар ярмаркаи мазкур асосан либосҳои ягонаи мактабӣ ба фурӯш гузошта шудааст.
дар ин бора ба АМИТ Ховар роҳбари Ҷамъияти матлуботи ноҳияи Файзобод Ҳадиса Қурбонова иттилоъ дод.