1 тонна маводи мухаддир ба оташ партофта шуд

Душанбе, 14.09.2015. (АМИТ «Ховар»).  Имрӯз дар оташдони КВД «Тоҷиктекстилмаш» беш аз 1 тонна маводи гуногуни нашъаовар дар оташ сӯзонида шуданд. Аз ҷумла 43 кг «героин», 128 кг «афюн», беш аз 310 кг. «бангдона», 401 кг. «ҳашиш», 18 бех ниҳолҳои худрӯйи «бангдона», 45 адад ҳабҳои нашъадор ва дигар намудҳои маводи мухаддиру воситаҳои психотропӣ несту нобуд карда шуданд.
Мувофиқи иттилои Вазорати корҳои дохилӣ дар нимсолаи аввали соли равон кормандони мақомоти корҳои дохилӣ 1 тоннаву 377 килограмм маводи нашъадорро аз гардиши ғайриқонунии мусодира кардаанд.