Баррасии масоили вокуниши саривақтӣ ба амалҳои гурӯҳҳои ифротгаро дар ҷаласаи СААД

Душанбе,15.09.2015. (АМИТ “Ховар”). -Дар назар аст, ки дар ҷаласаи Шӯрои амнияти СААД, ки ҳоло дар Душанбе бо иштироки президентони Арманистон, Беларус, Қазоқистон, Қирғизистон, Федератсияи Русия ва Тоҷикистон ҷараён дорад, масъалаи мубориза бар зидди гурӯҳҳои террористӣ ва вокуниши саривақтӣ  ба амалҳои гурӯҳҳои ифротгаро мавриди баррасӣ қарор гирад.
Тавре ки маълум гардид, ҳамчунин дар нишаст масъалаи интихоби Котиби генералии Созмони Амнияти Аҳдномаи Дастаҷамъӣ ва сардори Ситоди муттаҳидаи СААД низ баррасӣ мешавад. Хотиррасон мекунем, ки ҳоло Котиби генералии СААД Николай Бордюжа мебошад.