Бо либоси миллӣ низ метавон ниёзҳоро бароварда сохт

Душанбе, 14.09.2015. (АМИТ «Ховар»).-  Масъулини Кумитаи кор бо занон ва оилаи назди Ҳукумати Ҷумҳурии Тоҷикистон дар муассисаи таҳсилоти миёнаи умумии №33- и ноҳияи Сино  бо занони фаъоли ноҳия  мулоқот карданд. Зикр гардид, ки занону модарон дар нигоҳдошти фарҳанги миллӣ, аз ҷумла тарғиби либоси миллӣ масъулияти калон дошта, баҳри аз байн бурдани чунин ҳолатҳо бояд огоҳона талош намоянд. 
Ба таъкиди масъулин миллати сарбаланди тоҷик  новобаста ба ҳуҷумҳои гуногуни фарҳангӣ дар тӯли таърих тавонист либоси миллии худро ҳифз намояд. 
— Аксарият бар он ақидаанд, ки бо роҳи сатру ҳиҷобпӯшӣ  ниёзҳои мазҳабии худро риоя мекунанд, вале бехабар аз он, ки бо пӯшидани либоси асили миллӣ низ метавон ин ниёзҳоро пиёда сохт, зикр гардид дар мулоқот.