Чорабинии фаҳмондадиҳӣ миёни сокинон

Сентябрь 2, 2015 13:53

Душанбе, 02.09.2015. (АМИТ «Ховар»). — Имрӯз дар шаҳри Душанбе бо ибтикори Раёсати Иттифоқи композиторони Тоҷикистон ва мақомоти иҷроияи ҳокимияти маҳаллии ноҳияи Исмоили Сомонии пойтахт вохӯрӣ бо сокинон, бахусус ҷавонони маҳаллаи Умари Хайём ва Зайнаббибӣ доир ба паёмадҳои нохуши гаравиш ба ҳизбу ҳаракатҳои ифротӣ, фирефта шудани ҷавонон ба ваъдаҳои бардурӯғу манфиатхоҳонаи шахсони алоҳида ва гурӯҳҳои ифротӣ вохӯрӣ доир гардид. 
Дар ин чорабинӣ роҳбарияти Иттифоқи композиторони Тоҷикистон ва мақомоти иҷроияи ҳокимияти маҳаллии ноҳияи Исмоили Сомонӣ иштирок намуда, доир ба паҳлӯҳои мухталифи мавзӯи мазкур ибрози андеша карданд. 
Дар ин вохӯрӣ аз ҷумла қайд гардид, ки имрӯз аксар ҳаракату ташкилотҳои ифротгаро бо ваъдаҳои бардурӯғ ва бо истифода аз номи Ислом миёни сокинон, бахусус ҷавонон таблиғоти ғайриқонунӣ ва пинҳонӣ доир намуда, онҳоро ба сафи худ ҷалб менамоянд. Дар ин раванд, бояд падару модарон ва ҷавонон ҳушёриву зиракиро аз даст надода, ба ҳангомасозию фиребгариҳои ин гуна ашхос дода нашаванд. Зеро ҳадафи аслии онҳо ва гурӯҳҳои таблиғгар танҳо бароварда сохтани манфиатҳои шахсӣ ва гурӯҳӣ мебошад. 
Таъкид шуд, ки давлату Ҳукумати мамлакат пайваста барои маърифатнокӣ ва дастгирии ҳамаҷонибаи ҷомеа ва ҷавонон тадбирҳои мушаххас андешида, онҳоро ҳамеша барои пойдории сулҳу ваҳдат ва якпорчагию ободонии кишвар ҳидоят менамояд. Зеро, пешрафт ва рушди ҳамаҷонибаи кишвар танҳо аз вазъияти орому осоишта, пойдории сулҳу ваҳдат ва дӯст доштани ватану миллат вобаста аст. 
Аз ҷавонон даъват карда шуд, ки ба ҳар гуна найрангҳои гурӯҳҳои ифротӣ дода нашуда, бо  ҳисси ватандорӣ, ҳувияти миллӣ ва дарки авзои кунунии ҷаҳон баҳри пешрафту шукуфоии Тоҷикистони соҳибистиқлол камари ҳиммат банданд.  

Сентябрь 2, 2015 13:53

Хабарҳои дигари ин бахш

Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид