Дар Хуҷанд 40 фоизи кӯдакон ба таҳсилоти томактабӣ фаро гирифта шудаанд

Хуҷанд, 16.09.15. (АМИТ «Ховар», Абдуаҳад  Шарифзода). — Дар  маҳаллаи  «Темурмалик» — и   шаҳри  Хуҷанди  вилояти  Суғд  бинои  нави кӯдакистони  дорои 360 ҷой  мавриди  истифода  қарор  гирифт.
Барои сохтмони  бинои  кӯдакистон, ки  якуним  сол  муқаддам  оғоз  ёфта буд,  аз  буҷети  шаҳр  5 миллион  сомонӣ ҷудо  карда  шудааст. 30  ҳуҷраи  кӯдакистон  бо  таҷҳизоти  зарурӣ  таъмин  аст.
Дар  маросими ботантанаи ифтитоҳи  муассисаи  томактабӣ  раиси  вилояти  Суғд Абдураҳмон  Қодирӣ  ва  раиси  шаҳри  Хуҷанд  Раҷаббой  Аҳмадзода  ширкат  доштанд.
То имрӯз  дар  шаҳри  Хуҷанд  35 кӯдакистон  фаъолият дошта,  дар  онҳо беш  аз 8  ҳазор  нафар  кӯдакон  ба  таҳсилоти томактабӣ фаро  гирифта  шудаанд, ки  ин 40  фоизи талаботи  умумиро  ташкил  медиҳад.