Фархор: Ёрии ҶДММ «Зиёратшоҳ» ба хоҷагиҳо

 Фархор, 22.09.2015 (АМИТ « Ховар», Сулаймон Холов).-Дар минтақаи Кӯлоб  қабули пахта аз тарафи корхонаҳои коркарди пахта бомаром ҷараён дошта, хоҷагиҳои деҳқонӣ ҳосили ба дастовардаи худро ба корхонаҳо ворид сохта, бо пули нақд ва чигити тухмӣ таъмин мегарданд.
 Дар ин самт корхонаи ҶДММ «Зиёратшоҳ»-и ноҳияи Фархор  фаъол буда,  то ин замон аз хоҷагиҳо 3500 тонна  ашёи хом қабул карда,  ба коркарди он шурӯъ намудаанд. 
Ба иттилои директори тиҷоратии корхона Тоҳир Каримов, корхонаи мазкур дар ду баст фаъолият дошта, дар он  210 нафар бо ҷои кор таъмин шудааст. Ҳамчунин корхона бо зиёда аз 600 хоҷагии деҳқонӣ шартнома дорад, ки аз тариқи ҳамин шартномаҳо фаъолияташро ба роҳ мондааст. 
Гуфта мешавад дар дохили корхона сехҳои  матоъбофӣ ва равғанбарорӣ низ ба фаъолият шурӯъ кардаанд.