Фаро гирифтани аҳолӣ ба марказҳои таълимӣ

Душанбе, 29.09.2015. (АМИТ «Ховар»).-Дар нуҳ моҳи соли равон 1581  шаҳрванд расман ба бахши Хадамоти муҳоҷират дар шаҳри Ваҳдат муроҷиат кардааст. Аз шумораи умумии 1581 нафар, вуруди 781 шаҳрванд ба Федератсияи Русия манъ карда шуда, 40  нафараш зан аст.    Тибқи супориши вазири меҳнат, муҳоҷират ва шуғли аҳолии Ҷумҳурии Тоҷикистон барои бо шуғл  фаро гирифтани шаҳрвандони мамнӯъшуда  онҳо ба иншоотҳои сохтмонии шаҳри Ваҳдат, ширкатҳои хориҷӣ ва дигар корхонаву муассисаҳои берун аз шаҳр ба кор фиристода мешаванд.
Бахши Хадамот дар шаҳри Ваҳдат ҳамкориро бо МД «Маркази таълимии калонсолон» ва филиали марказ дар шаҳри Ваҳдат, КВД-и маркази таълимии шаҳри Душанбе, Раёсати Агентии меҳнат ва шуғли аҳолии шаҳри Ваҳдат ва МД «Агентии бокортаъминкунӣ дар хориҷа»-и Вазорати меҳнат, муҳоҷират ва шуғли аҳолӣ хуб ба роҳ мондааст. Дар ин муддат аз тарафи бахш роҳхат тартиб дода шуда, хоҳишмандон бо пешниҳоди ариза ба маркази мазкур равона мешаванд.